Það hefur nú ekki verið mikið um að vera síðan við komum til baka úr ferðalaginu enda heitasti tíminn skollinn á hérna megin. Fer yfir 40 gráður á daginn og raaaakt... En við í mömmuhópnum ætlum að vera extra duglegar að skipuleggja hittinga innandyra næstu dagana.

Jón kemur síðan 30. júní og verður í þrjár vikur. Við mægður verðum hins vegar út ágúst á meðan ramadan/föstumánuðurinn er.

Þar að auki fór Jón í fyrrgreinda köfun og á Thaibox keppni, hvoru tveggja áhugaverð upplifun. Hin hjónin tóku sig líka til eitt kvöldið á fóru á cabaret þar sem eingöngu ladyboys sáum um að dilla fiðruðum bossum og brjóstum! Ku líka hafa verið áhugaverð upplifun...

Álfrún Lóa fékk að vanda ótæpilega athygli fyrir sitt ljósa hörund og hvíta hár, en allir voðalega vingjarnlegir.

Búin að setja inn nokkrar myndir en hellingur á leiðinni. Vona að þetta blessaða kerfi hérna virki almennilega einu sinni!!

Hér er Álfrún Lóa að fara að taka hundraðasta sundsprettinn í hótelsundlauginni, litlu snúllunni líkar sko lífið :) Snilldin er að maður fer beint út í laugina úr herberginu okkar! Fyrst er pallur með sólstólum og viftu, svo buslpallur og svo sundlaugin í beinu framhaldi. Það er "low season" svo við fengum ókeypis upgrade í þessi herbergi, ekki slæmt ;)

Hótelið er sumsé frábært, tæjju maturinn yfirleitt góður (full sterkur fyrir suma bragðlauka), bjórinn góður, nudd og þh ódýrt og á hverju horni, aðeins hægt að versla og á morgun ætlum við að fara í eina dagsferð og skoða okkur aðeins meira um. Jón fór jú líka í köfun um daginn sem var frábær upplifun enda staðurinn á topp 10 lista yfir bestu köfunarstaði í heiminum. 

Flug í kvöld og nótt - Singapúr á morgun!! Verðum þar í 3 daga og höldum síðan áfram til Tælands þar sem við gistum á þessum stað í tæpa viku: Ayara Villas 

Löööng nótt fram undan, en síðan hrikalega spennandi og skemmtilegir dagar!!

Sem betur fer gekk þetta niður um nóttina, tekið kl 7 um morguninn:

Svoooooooo FERSKT og hreint !!!

Og sjaldséður risapollur í götunni okkar..

Ótrúlega lítið páskalegt hérna megin. Það var þó fengið sér "malasian lamb curry" í hádeginu og Nóa páskaegg með Starbuckskaffinu en við vorum svo heppin að fá tvö egg frá Evu Mjöll og Gunna sem við hittum í Prag um daginn :) Málshættirnir voru: "Fénar farandi, sveltur sitjandi" og "Annars byrði er öðrum létt".

Jón fór svo að vinna kl 3. Eftir það dunduðum við mæðgur okkur heima og fórum niður á strönd að leika þegar kólnaði aðeins.

Litla yndisleg - áður en hún fór að sulla og við urðum blautar og söndugar upp fyrir haus 

Annars á hann pápi minn afmæli í dag og er hvorki meira né minna en sextugur! Hugurinn er því meira heima við í dag en við þessa "gervi"páska hér...

Það hittist þannig á að okkur Álfrúnu var boðið þennan dag á "playdate" heima hjá sundkennaranum okkar henni Emmy. Tayiaba (mamma hans Baasil sem hefur sést á ansi mörgum myndum hérna) kom mér þar á óvart með súkkulaðiköku svo við áttum góða leik- og kjaftastund yfir köku og kaffi áður en við fórum út í garðinn og skelltum okkur í sund með börnin. Eftir sund og leik röltum við yfir á pizzastað þar sem ég pantaði mér pizzu í fyrsta skipti í Muscat! Dásemdar morgun, vorum reyndar ekki komnar heim fyrr en hálf 4 

Þar beið karlinn með þær fréttir að Álfrún væri að fara í næturpass!!! Ég vissi ekki meir en pakkaði í töskur. Fór samt í jógatíma eins og venjulega á laugardögum ásamt vinkonunum Söru og Jelenu. Eftir það var brunað heim í snatri, skipt um föt og keyrt með Álfrúnu til Söru og Filips sem sáu um næturpassið - sem gekk vandræðalaust ;)

Jón keyrði svo að einu af flottari hótelum Muscat, The Chedi þar sem við tjékkuðum inn. Við tók 2 klst borðhald yfir dýrindis mat og þjónustu. Herbergið sjálft var heldur ekki af verri endanum, meira að segja klósettpappírinn var innsiglaður. Morguninn eftir var ég sendi spa-ið - himnaríki á jörðu, halelúja og amen!

Feitt prik í kladda húsbandsins - dekurrófan kveður 

Það er notast við ýmis props í þessu jóga:

Er ekki ennþá búin að prófa róluna....

Hef ekki séð þetta áður en það gerist víst að hafið fer einu sinni á ári í svona "detox" og þá er ekki mælt með því að fólk fari í sjóinn, kannski eitraðir þörungar þar á ferð ...

Við fórum í eina ferð fyrir adrenalínfíkilinn um daginn og var ferðinni heitið í gegnum"Snake Canyon". Það er keyrt á punkt A og labbað í gegnum gilið yfir á punkt B. Því voru 2 bílstjórar með í för til að ferja bílana á milli, pabbarnir í hópnum þeir Jón og Justin sáu um torfæruaksturinn og litlu stelpurnar á meðan hinir, ég, Ásta, Ben og sænsku hjónin Filip og Sara lögðu í gönguna. Filip fór fyrir hópnum enda búin að fara þarna tvisvar sinnum áður (og m.a. reynt að drepa Jón þarna á flóðatímum...)

Þetta var mun meira krefjandi ferð en ég átti von á en í henni fólst ekki bara ganga heldur fullt af sundi í, já trúið því eða ekki, ííííísköldum fjallakeldum - ég man hreinlega ekki eftir því að hafa orðið svona kalt! Það nær engin sól niður í gilið og því vorum við flest farin að hríðskjálfa fljótlega en ferðin tók um 2 og hálfa klst í það heila. Það jók því á erfiðleika stigið þegar þurfti að klifra og skríða í klettum, síga niður kaðal, hoppa fram af ótal björgum og á bólakaf í ískalt vatnið. Lengsta sundið var í gegnum myrkan helli þar sem leðurblökur er jafnan að finna - ég synti bara með höndunum til að eiga ekki á hættu að reka niður tærnar í leðurblökuskít. Já þetta var ótrúleg ævintýraför! 

Það var því töluvert svekkelsi að uppgötva að vatnshelda myndavélin sem ég var með varð batteríislaus nánast strax í byrjun, það voru svo ótrúlega mörg flott móment til að "festa á filmu" :/ kannski maður eigi eftir að leggja í þetta aftur síðar og þá verður sko örugglega full rafhlaða!!

Loksins sáum við svo glitta í pabbana og stelpurnar sem höfðu labbað á móti okkur inn gilið með nesti og nýja skó. Áttum síðan notalega pikknikkstund undir sólinni :)

Samkvæmt islam þá eru svín og hundar talin "óhrein" dýr. Blátt bann er við neyslu svínakjöts og strangt tiltekið má ekki einu sinni snæða mat sem hefur verið eldaður með sömu áhöldum og svínakjöt. Hér er ein verslunarkeðja sem selur svínaafurðir í litlu horni og á uppsprengdu verði. (Þó er það eins með svínakjötið og annað sem samkvæmt trúnni telst syndsamlegt svo sem áfengi, framhjáhald ofl þá eru margur heimamaðurinn sem tekur bannið mátulega hátíðlegt...)

En að öðrum óhreinum dýrum, hundunum. Heimamenn hafa yfirleitt engin gæludýr, einstaka ketti kannski. Hins vegar eru margir útlendingar sem vilja hafa hunda, gott og vel, það er leyfilegt en ekki vel séð af heimamönnum. Hvað gerist svo þegar útlendingurinn flytur af landi brott og það er dýrt og mikil fyrirhöfn að losa sig við hundinn - þá er bara einfaldast að henda honum á götuna! Þar hafa ómönsk börn það að leik að misþyrma þessum vesalings dýrum sem síðan fara að líta á manninn sem óvin. Svo taka þessi hundagrey að fjölga sér og núna eru mörg stór hundagengi sem leika hér lausum hala í nágrenninu. Lífsbaráttan er nokkuð hörð þar sem ekki er mikið um æti á götunum. Fjandsamlegt dýrseðlið heyrir maður síðan berlega inn um gluggann á næturnar þegar gengjunum lendir saman. Þetta vandamál hefur undið upp á sig en það er nú eitt af verkefnum lögreglunnar hérna að skjóta þessi dýr en þeim tekst venjulega ekki ætlunarverkið heldur særa aðeins dýrin. Það lendir síðan á dýralæknum borgarinnar annað hvort að klára verkið eða þá að reyna að tjasla uppá dýrin! Sorglegt allt saman en þessi samtök reyna nú af veikum mætti að bæta stöðuna, það má endilega bæta við undirskriftum...

Það sem mér finnst annars frábært að fara út að ganga með kerruna hérna en það sem ég er með hjartað í buxunum þegar þessir hundar koma geltandi :/ eða þegar flassarinn lætur á sér kræla, úff það er önnur saga..!!

Tekið út um stofugluggann

Þá er heilt ár liðið síðan Álfrún Lóa kom í heiminn. Kærleiksríkt, viðburðarríkt og lærdómsríkt ár, heldur betur. Alltaf jafn yndisleg litla gullið og fær mann reglulega til að tárast yfir því hvað lífið er fallegt. 

Kærar þakkir fyrir góðar kveðjur og sendingar að heiman í tilefni dagsins! Við fengum líka nokkra góða gesti til okkar í afmæliskaffi í gær, fullt af nýjum myndum í des albúminu hennar.

Sami tími í fyrra einkenndist af tilhlökkun og undirbúningi fyrir komu erfingjans og fátt sem ýtti undir jólastemningu. Þessa dagana játa ég hinsvegar á mig smá jólaheimþrá, hlusta repeat á þetta lag með Eivöru sem kveikir einhvern íslenskan jólatrega í mér. Þó þetta sé nýtt lag þá vekur það samt upp dásamlegar æskuminningar frá jólum. 

Allavega, þá er planið þannig að við æltum kannski að fá okkur jólatré á morgun, sjáum til hvernig úrvalið verður... Á aðfangadagskvöld ætlar litla fjölskyldan að snæða hangikjet og meððí, kannski bara á svölunum! Opna kort og pakka og skypast. Á jóladag förum við með vinahópnum (þe þeir sem eru á svæðinu) á alveg rooosalegt jólahlaðborð. Á annan verður svo smá afmæliskaffi hérna hjá okkur. Síðan fer Jón aftur að vinna og verður að vinna yfir áramótin.

Jólakort og pakkar, frágengið, vona bara heitt og innilega að allt komist til skila! Ef ekki þá er það væntanlega póstsamgöngum að kenna, annars gatasigtinu hausnum á mér...